【兩個碌~非男人專利！】
未爆發疫情之前，經常漂泊海外流離失所，總覺得好多對其他人嚟講好容易嘅事情偏偏我好難做到。
因禍得福，仍然被困喺意大利嘅同時，終於俾我恨到，揸到我最愛嘅電單車喇🏍！但其實令我嘅愛驅到手都一波三折，我哋早喺2月買落，但因為封城而架車都被困喺意大利北部其中一個疫情最嚴重嘅城市Rimini，店主喺3月通知我哋如果唔攞，唔知幾時先有得攞，但當時我哋仲喺埃及根本冇人接到手，到我哋返咗嚟之後已全國封城，於是乎足足等咗3個月，企喺我身邊呢位紋身兄朝早7點就出發，到中午我嘅電單呠呠車終於到手喇！
仲記得早喺4月，因為屋企冇奶用，從來冇揸過棍波車嘅我衝破障礙揸棍波車去超市買餸嗎？
我想話，姐我其實喺學堂學完電單車後都從來冇揸過電單車囉🙈依家終於俾我搵到呢個機會好好練熟返手車💪咳咳~順便提提，我部愛驅都係棍波的🤣要意佬再一次受難我都有啲唔好意思🤷🏻♀️不過為咗實現兩公婆揸住電單車遊歷世界嘅夢想，睇嚟意佬都要食吓夜粥，俾啲心機教好我揸兩個碌😜
呢兩個月以來，由粉飾屋企(喺露台油欄杆，自製蚊紗...下省n樣)、入廚房扮方太，去到學四個碌，兩個碌，虛幻得嚟好充實。俗語有話「周身刀冇張利」，我呢排學學埋埋啲技能其實都唔知有冇用㗎，不過「刀都用時方恨少」，未來嘅日子仍然會做跟得夫人四海為家，到時唔知要上刀山定落油鑊，希望總有把刀用得著啦！呢排大家又學咗啲乜嘢特技呢？
#嫁到意大利
#周身刀都要利
#學海無涯
#棍波車非男人專利
#新手電單車司機出沒注意
#期待意大利全面解封
#兩公婆
#遊車河
Search